kisi KHayal kisi KHwab ke liye 'KHurshid'
diya dariche mein rakkha tha dil jalaya tha

Khurshid Rabbani

---

---

main hun ek paikar-e-KHayal-o-KHwab
aur kitni baDi haqiqat hun

Khurshid Rabbani

---

---

wae nadani ki waqt-e-marg ye sabit hua
KHwab tha jo kuchh ki dekha jo suna afsana tha

Khwaja Meer u0027Dardu0027

---

---

kabhi dikha de wo manzar jo main ne dekhe nahin
kabhi to nind mein ai KHwab ke farishte aa

Kumar Pashi

---

---

dil mera KHwab-gah-e-dilbar hai
bas yahi ek sone ka ghar hai

Lala Madhav Ram Jauhar

---

---

KHwab mein nam tera le ke pukar uThta hun
be-KHudi mein bhi mujhe yaad teri yaad ki hai

Lala Madhav Ram Jauhar

---

---

KHwab ka rishta haqiqat se na joDa jae
aaina hai ise patthar se na toDa jae

Malikzada Manzoor Ahmad

---

---