zindagi KHwab dekhti hai magar
zindagi zindagi hai KHwab nahin

Maqbool Naqsh

---

---

hain tasawwur mein us ke aankhen band
log jaanen hain KHwab karta hun

Meer Mohammadi Bedar

---

---

lete hi nam us ka sote se chaunk uTThe
hai KHair 'mir'-sahib kuchh tum ne KHwab dekha

Mir Taqi Mir

---

---

aankhen kholo KHwab sameTo jago bhi
'alwi' pyare dekho sala din nikla

Mohammad Alvi

---

---

ab judai ke safar ko mere aasan karo
tum mujhe KHwab mein aa kar na pareshan karo

Munawwar Rana

---

---

KHwab hote hain dekhne ke liye
un mein ja kar magar raha na karo

Muneer Niyazi

---

---

aisa bhi kabhi ho main jise KHwab mein dekhun
jagun to wahi KHwab ki tabir batae

Mustafa Shahab

---

---