aashiq ki siyah-rozi ijad hui jis din
us roz se KHwabon ki ye zulf pareshan hai

Ishq Aurangabadi

---

---

aankhon mein jo bhar loge to kanTon se chubhenge
ye KHwab to palkon pe sajaane ke liye hain

Jaan Nisar Akhtar

---

---

kuchal ke phenk do aankhon mein KHwab jitne hain
isi sabab se hain hum par azab jitne hain

Jaan Nisar Akhtar

---

---

aur to kya tha bechne ke liye
apni aankhon ke KHwab beche hain

Jaun Eliya

---

---

kabhi jo KHwab tha wo pa liya hai
magar jo kho gai wo chiz kya thi

Javed Akhtar

---

---

in dekhe us ke jawe ranj o azab kyun kar
wo KHwab mein to aawe par aawe KHwab kyun ka

Jurat Qalandar Bakhsh

---

---

jab se ek KHwab ki tabir mili hai mujh ko
main har ek KHwab ki tabir se ghabraata hun

Kafeel Aazar Amrohvi

---

---