kal raat jagati rahi ek KHwab ki duri
aur nind bichhati rahi bistar mere aage

Kashif Husain Ghair

---

---

hath lagate hi miTTi ka Dher hue
kaise kaise rang bhare the KHwabon mein

Khaavar Ejaz

---

---

KHwab dekha tha mohabbat ka mohabbat ki qasam
phir isi KHwab ki tabir mein masruf tha main

KHalid Malik u0027Sahilu0027

---

---

kisi KHayal ka koi wajud ho shayad
badal raha hun main KHwabon ko tajraba kar ke

KHalid Malik u0027Sahilu0027

---

---

koi to baat hogi ki karne paDe hamein
apne hi KHwab apne hi qadmon se paemal

Khalilur Rahman Azmi

---

---

nahin ab koi KHwab aisa teri surat jo dikhlae
bichhaD kar tujh se kis manzil par hum tanha chale aae

Khalilur Rahman Azmi

---

---

KHuda kare ki khule ek din zamane par
meri kahani mein jo istiara KHwab ka hai

Khurshid Rabbani

---

---