ek teri be-ruKHi se zamana KHafa hua
ai sang-dil tujhe bhi KHabar hai ki kya hua

Arsh Siddiqui

---

---

itna to bata jao KHafa hone se pahle
wo kya karen jo tum se KHafa ho nahin sakte

Asad Bhopali

---

---

jaane kyun un se milte rahte hain
KHush wo kya honge jab KHafa hi nahin

Baqar Mehdi

---

---

chheDa hai dast-e-shauq ne mujh se KHafa hain wo
goya ki apne dil pe mujhe iKHtiyar hai

Hasrat Mohani

---

---

husn yun ishq se naraaz hai ab
phul KHushbu se KHafa ho jaise

Iftikhar Aazmi

---

---

log kahte hain ki tu ab bhi KHafa hai mujh se
teri aankhon ne to kuchh aur kaha hai mujh se

Jaan Nisar Akhtar

---

---

wo KHush ho ke mujh se KHafa ho gaya
mujhe kya umiden thin kya ho gaya

Jagat Mohan Lal Ravan

---

---