yahi haalat ibtida se rahe
log hum se KHafa KHafa se rahe

Javed Akhtar

---

---

ya wo the KHafa hum se ya hum hain KHafa un se
kal un ka zamana tha aaj apna zamana hai

Jigar Moradabadi

---

---

main apne-ap se har dam KHafa rahta hun yun 'azar'
purani dushmani ho jis tarah do KHandanon mein

Kafeel Aazar Amrohvi

---

---

mil bhi jao yunhi tum bahr-e-KHuda aap se aap
jis tarah ho gae ho hum se KHafa aap se aap

Lala Madhav Ram Jauhar

---

---

lai hai kahan mujh ko tabiat ki do-rangi
duniya ka talabgar bhi duniya se KHafa bhi

Midhat-ul-Akhtar

---

---

ya KHafa hote the hum to minnaten karte the aap
ya KHafa hain hum se wo aur hum mana sakte nahin

Mirza Mohammad Taqi Hawas

---

---

KHuda se log bhi KHaif kabhi the
magar logon se ab KHaif KHuda hai

Naresh Kumar Shad

---

---