tumhaara nam aaya aur hum takne lage rasta
tumhaari yaad aai aur khiDki khol di hum ne

Munawwar Rana

---

---

inhin pattharon pe chal kar agar aa sako to aao
mere ghar ke raste mein koi kahkashan nahin hai

Mustafa Zaidi

---

---

nam honTon pe tera aae to rahat si mile
tu tasalli hai dilasa hai dua hai kya hai

Naqsh Layalpuri

---

---

aaj dekha hai tujh ko der ke baad
aaj ka din guzar na jae kahin

Nasir Kazmi

---

---

aarzu hai ki tu yahan aae
aur phir umr bhar na jae kahin

Nasir Kazmi

---

---

ai dost hum ne tark-e-mohabbat ke bawajud
mahsus ki hai teri zarurat kabhi kabhi

Nasir Kazmi

---

---

dil dhaDakne ka sabab yaad aaya
wo teri yaad thi ab yaad aaya

Nasir Kazmi

---

---