teri chahat ke bhige jangalon mein
mera tan mor ban kar nachta hai

Parveen Shakir

---

---

wo kahin bhi gaya lauTa to mere pas aaya
bas yahi baat hai achchhi mere harjai ki

Parveen Shakir

---

---

wo to KHush-bu hai hawaon mein bikhar jaega
masala phul ka hai phul kidhar jaega

Parveen Shakir

---

---

na to main hur ka maftun na pari ka aashiq
KHak ke putle ka hai KHak ka putla aashiq

Peer Sher Mohammad Ajiz

---

---

tumhaare shahr ka mausam baDa suhana lage
main ek sham chura lun agar bura na lage

Qaisar-ul-Jafri

---

---

zindagi bhar ke liye ruTh ke jaane wale
main abhi tak teri taswir liye baiTha hun

Qaisar-ul-Jafri

---

---

jis qadar jazb-e-mohabbat ka asar hota gaya
ishq KHud tark o talab se be-KHabar hota gaya

Qamar Moradabadi

---

---