ab hawaen hi karengi raushni ka faisla
jis diye mein jaan hogi wo diya rah jaega
the winds will now decide what happens to the light
those lamps that have the strength, will survive the night
Mahshar Badayuni
dekh zindan se pare rang-e-chaman josh-e-bahaar
raqs karna hai to phir panw ki zanjir na dekh
Majrooh Sultanpuri
yaqin ho to koi rasta nikalta hai
hawa ki oT bhi le kar charagh jalta hai
Manzoor Hashmi
shah-zor apne zor mein girta hai misl-e-barq
wo tifl kya girega jo ghuTnon ke bal chale
Mirza Azeem Beg
use guman hai ki meri uDan kuchh kam hai
mujhe yaqin hai ki ye aasman kuchh kam hai
Nafas Ambalvi
hawa KHafa thi magar itni sang-dil bhi na thi
hamin ko shama jalane ka hausla na hua
Qaisar-ul-Jafri
hanwar se laDo tund lahron se uljho
kahan tak chaloge kinare kinare
Raza Hamdani