jin hauslon se mera junun mutmain na tha
wo hausle zamane ke meyar ho gae

Ali Jawwad Zaidi

---

---

daman jhaTak ke wadi-e-gham se guzar gaya
uTh uTh ke dekhti rahi gard-e-safar mujhe

Ali Sardar Jafri

---

---

aain-e-jawan-mardan haq-goi o be-baki
allah ke sheron ko aati nahin rubahi

Allama Iqbal

---

---

nahin tera nasheman qasr-e-sultani ke gumbad par
tu shahin hai basera kar pahaDon ki chaTanon mein

Allama Iqbal

---

---

tu shahin hai parwaz hai kaam tera
tere samne aasman aur bhi hain

Allama Iqbal

---

---

sada ek hi ruKH nahin naw chalti
chalo tum udhar ko hawa ho jidhar ki

Altaf Hussain Hali

---

---

tir khane ki hawas hai to jigar paida kar
sarfaroshi ki tamanna hai to sar paida ka

Ameer Minai

---

---