log jis haal mein marne ki dua karte hain
main ne us haal mein jine ki qasam khai hai
Ameer Qazalbash
ana leta hai mauj-e-KHun-e-dil se ek chaman apna
wo paband-e-qafas jo fitratan aazad hota hai
Asghar Gondvi
waqt aane de dikha denge tujhe ai aasman
hum abhi se kyun bataen kya hamare dil mein hai
Bismil Azimabadi
abhi se panw ke chhaale na dekho
abhi yaro safar ki ibtida hai
Ejaz Rahmani
waqif kahan zamana hamari uDan se
wo aur the jo haar gae aasman se
Faheem Jogapuri
hum parwarish-e-lauh-o-qalam karte rahenge
jo dil pe guzarti hai raqam karte rahenge
We will nourish the pen and tablet; we will tend them ever
We will write what the heart suffers; we will defend them eve
Faiz Ahmad Faiz
maujon ki siyasat se mayus na ho 'fani'
girdab ki har tah mein sahil nazar aata hai
Fani Badayuni