insan ki KHwahishon ki koi intiha nahin
do gaz zamin bhi chahiye do gaz kafan ke baad

Kaifi Azmi

---

---

dekhna hasrat-e-didar ise kahte hain
phir gaya munh teri jaanib dam-e-murdan apna

Khwaja Mohammad Vazeer Lakhnavi

---

---

arman wasl ka meri nazron se taD ke
pahle hi se wo baiTh gae munh bigaD ke

Lala Madhav Ram Jauhar

---

---

jine walon se kaho koi tamanna DhunDen
hum to aasuda-e-manzil hain hamara kya hai

Mahmood Ayaz

---

---

aqi abhi hai tark-e-tamanna ki aarzu
kyun-kar kahun ki koi tamanna nahin mujhe

Muzaffar Ali Aseer

---

---

aarzu hai ki tu yahan aae
aur phir umr bhar na jae kahin

Nasir Kazmi

---

---

aarzu hasrat aur ummid shikayat aansu
ek tera zikr tha aur bich mein kya kya nikla

Sarwar Alam Raz

---

---