kah do in hasraton se kahin aur ja basen
itni jagah kahan hai dil-e-dagh-dar mein

tell all my desires to go find another place
in this scarred heart alas there isn't enough space

Bahadur Shah Zafar

---

---

mai-kade ko ja ke dekh aaun ye hasrat dil mein hai
zahid us miTTi ki ulfat meri aab-o-gil mein hai

Habeeb Musvi

---

---

kuchh nazar aata nahin us ke tasawwur ke siwa
hasrat-e-didar ne aankhon ko andha kar diya

save visions of her, nothing comes to mind
the longing for her sight surely turned me blind

Haidar Ali Aatish

---

---

KHwab, ummid, tamannaen, talluq, rishte
jaan le lete hain aaKHir ye sahaare sare

Imran-ul-haq Chauhan

---

---

ek bhi KHwahish ke hathon mein na mehndi lag saki
mere jazbon mein na dulha ban saka ab tak koi

Iqbal Sajid

---

---

KHwahishon ne Dubo diya dil ko
warna ye bahr-e-be-karan hota

Ismail Merathi

---

---

hasraton ka ho gaya hai is qadar dil mein hujum
sans rasta DhunDhti hai aane jaane ke liye

Jigar Jalandhari

---

---