hamein bhi nind aa jaegi hum bhi so hi jaenge
abhi kuchh be-qarari hai sitaro tum to so jao

Qateel Shifai

---

---

jab bhi aata hai mera nam tere nam ke sath
jaane kyun log mere nam se jal jate hain

whenever my name happens to be linked to thee
I wonder why these people burn with jealousy

Qateel Shifai

---

---

na jhaTko zulf se pani ye moti TuT jaenge
tumhaara kuchh na bigDega magar dil TuT jaenge

Rajinder Krishan

---

---

ghazal us ne chheDi mujhe saz dena
zara umr-e-rafta ko aawaz dena

Safi Lakhnavi

---

---

arbaadiyon ka sog manana fuzul tha
barbaadiyon ka jashn manata chala gaya

Sahir Ludhianvi

---

---

hum gham-zada hain laen kahan se KHushi ke git
denge wahi jo paenge is zindagi se hum

Sahir Ludhianvi

---

---

hum jurm-e-mohabbat ki saza paenge tanha
jo tujh se hui ho wo KHata sath liye ja

Sahir Ludhianvi

---

---