kitne shikwe gile hain pahle hi
rah mein fasle hain pahle hi

Farigh Bukhari

---

---

masala ye hai ki us ke dil mein ghar kaise karen
darmiyan ke fasle ka tai safar kaise karen

Farrukh Jafari

---

---

duniya to chahti hai yunhi fasle rahen
duniya ke mashwaron pe na ja us gali mein chal

Habib Jalib

---

---

zehn o dil ke fasle the hum jinhen sahte rahe
ek hi ghar mein bahut se ajnabi rahte rahe

Iffat Zarrin

---

---

na ho ki qurb hi phir marg-e-rabt ban jae
wo ab mile to zara us se fasla rakhna

Iftikhar Naseem

---

---

jo pahle roz se do aanganon mein tha hail
wo fasla to zamin aasman mein bhi na tha

Jamal Ehsani

---

---

mohabbat ki to koi had, koi sarhad nahin hoti
hamare darmiyan ye fasle, kaise nikal aae

Khalid Moin

---

---