use KHabar hai ki anjam-e-wasl kya hoga
wo qurbaton ki tapish fasle mein rakhti hai

Khalid Yusuf

---

---

qarib aao to shayad samajh mein aa jae
ki fasle to ghalat-fahmiyan baDhate hain

Muzaffar Razmi

---

---

fasla nazron ka dhoka bhi to ho sakta hai
wo mile ya na mile hath baDha kar dekho

Nida Fazli

---

---

shayad ki KHuda mein aur mujh mein
ek jast ka aur fasla hai

Obaidullah Aleem

---

---

ishq mein bhi siyasaten niklin
qurbaton mein bhi fasla nikla

Rasa Chughtai

---

---

had-bandi-e-KHizan se hisar-e-bahaar tak
jaan raqs kar sake to koi fasla nahin

Saqi Faruqi

---

---