دوستی بندگی وفا و خلوص
ہم یہ شمع جلانا بھول گئے
انجم لدھیانوی
مجھے دشمن سے اپنے عشق سا ہے
میں تنہا آدمی کی دوستی ہوں
باقر مہدی
بھول شاید بہت بڑی کر لی
دل نے دنیا سے دوستی کر لی
بشیر بدر
محبتوں میں دکھاوے کی دوستی نہ ملا
اگر گلے نہیں ملتا تو ہاتھ بھی نہ ملا
بشیر بدر
میں حیراں ہوں کہ کیوں اس سے ہوئی تھی دوستی اپنی
مجھے کیسے گوارہ ہو گئی تھی دشمنی اپنی
احسان دانش
مجھے جو دوستی ہے اس کو دشمنی مجھ سے
نہ اختیار ہے اس کا نہ میرا چارا ہے
غمگین دہلوی
دشمنوں نے جو دشمنی کی ہے
دوستوں نے بھی کیا کمی کی ہے
حبیب جالب