duniya pasand aane lagi dil ko ab bahut
samjho ki ab ye bagh bhi murjhane wala hai

Jamal Ehsani

---

---

dam-ba-dam uThti hain kis yaad ki lahren dil mein
dard rah rah ke ye karwaT si badalta kya hai

Jamal Panipati

---

---

dil ki qimat to mohabbat ke siwa kuchh bhi na thi
jo mile surat-e-zeba ke KHaridar mile

Jameel Malik

---

---

dil jahan le jae dil ke sath jaana chahiye
is se baDh kar aur koi rahnuma hota nahin

Jameel Yusuf

---

---

dil ki taklif kam nahin karte
ab koi shikwa hum nahin karte

Jaun Eliya

---

---

kaun is ghar ki dekh-bhaal kare
roz ek chiz TuT jati hai

Jaun Eliya

---

---

zindagi kis tarah basar hogi
dil nahin lag raha mohabbat mein

Jaun Eliya

---

---