kuchh khaTakta to hai pahlu mein mere rah rah kar
ab KHuda jaane teri yaad hai ya dil mera

Jigar Moradabadi

---

---

lakhon mein intiKHab ke qabil bana diya
jis dil ko tum ne dekh liya dil bana diya

Jigar Moradabadi

---

---

mohabbat mein ek aisa waqt bhi dil par guzarta hai
ki aansu KHushk ho jate hain tughyani nahin jati

Jigar Moradabadi

---

---

aane wali hai kya bala sar par
aaj phir dil mein dard hai kam kam

Josh Malsiani

---

---

ya rahen is mein apne ghar ki tarah
ya mere dil mein aap ghar na karen

Josh Malsiani

---

---

dhyan mein us ke fana ho kar koi munh dekh le
dil wo aaina nahin jo har koi munh dekh le

Joshish Azimabadi

---

---

dil-e-wahshi ko KHwahish hai tumhaare dar pe aane ki
diwana hai wa-lekin baat karta hai Thikane ki

Jurat Qalandar Bakhsh

---

---