KHair se dil ko teri yaad se kuchh kaam to hai
wasl ki shab na sahi hijr ka hangam to hai

Hasan Nayeem

---

---

sara-e-dil mein jagah de to kaT lun ek raat
nahin hai shart ki mujh ko sharik-e-KHwab bana

Hasan Nayeem

---

---

aarzu teri barqarar rahe
dil ka kya hai raha raha na raha

Hasrat Mohani

---

---

ab dilon mein koi gunjaish nahin milti 'hayat'
bas kitabon mein likkha harf-e-wafa rah jaega

Hayat Lakhnavi

---

---

kya rashk hai ki ek ka hai ek muddai
tum dil mein ho to dard hamare jigar mein hai

Hijr Nazim Ali Khan

---

---

dasht-e-wafa mein jal ke na rah jaen apne dil
wo dhup hai ki rang hain kale paDe hue

Hosh Tirmizi

---

---

dil ko gham ras hai yun gul ko saba ho jaise
ab to ye dard ki surat hi dawa ho jaise

Hosh Tirmizi

---

---