dasht-e-wafa mein jal ke na rah jaen apne dil
wo dhup hai ki rang hain kale paDe hue

Hosh Tirmizi

---

---

wo tapish hai ki jal uThe sae
dhup rakkhi thi saeban mein kya

Khalida Uzma

---

---

zara ye dhup Dhal jae to un ka haal puchhenge
yahan kuchh sae apne aap ko paikar batate hain

Khushbir Singh Shaad

---

---

kaun jaane ki uDti hui dhup bhi
kis taraf kaun si manzilon mein gai

Kishwar Naheed

---

---

naqab-e-ruKH uThaya ja raha hai
wo nikli dhup saya ja raha hai

from the confines of the veil your face is now being freed
lo sunshine now emerges, the shadows now recede

Mahirul Qadri

---

---

kuchh ab ke dhup ka aisa mizaj bigDa hai
daraKHt bhi to yahan saeban mangte hain

Manzoor Hashmi

---

---

'alwi' ye moajiza hai december ki dhup ka
sare makan shahr ke dhoe hue se hain

Mohammad Alvi

---

---