ek baras bhi abhi nahin guzra
kitni jaldi badal gae chehre

Kaif Ahmed Siddiqui

---

---

hath chhuDa kar jaane wale
main tujh ko apna samjha tha

Khalid Moin

---

---

'KHalid' main baat baat pe kahta tha jis ko jaan
wo shaKHs aaKHirash mujhe be-jaan kar gaya

Khalid Sharif

---

---

mujhe ab aap ne chhoDa ki main ne
idhar to dekhiye kis ne dagha ki

Lala Madhav Ram Jauhar

---

---

samjha liya fareb se mujh ko to aap ne
dil se to puchh lijiye kyun be-qarar hai

Lala Madhav Ram Jauhar

---

---

aql kahti hai dobara aazmana jahl hai
dil ye kahta hai fareb-e-dost khate jaiye

Mahirul Qadri

---

---

aksar aisa bhi mohabbat mein hua karta hai
ki samajh-bujh ke kha jata hai dhoka koi

Mazhar Imam

---

---