kis ne wafa ke nam pe dhoka diya mujhe
kis se kahun ki mera gunahgar kaun hai

Najeeb Ahmad

---

---

fasla nazron ka dhoka bhi to ho sakta hai
wo mile ya na mile hath baDha kar dekho

Nida Fazli

---

---

ahbab ko de raha hun dhoka
chehre pe KHushi saja raha hun

Qateel Shifai

---

---

hum use yaad bahut aaenge
jab use bhi koi Thukraega

Qateel Shifai

---

---

mere baad wafa ka dhoka aur kisi se mat karna
gali degi duniya tujh ko sar mera jhuk jaega

Qateel Shifai

---

---

muddat hui ek shaKHs ne dil toD diya tha
is waste apnon se mohabbat nahin karte

Saqi Faruqi

---

---

aghban ne aag di jab aashiyane ko mere
jin pe takiya tha wahi patte hawa dene lage

Saqib Lakhnavi

---

---