بت نظر آئیں گے معشوقوں کی کثرت ہوگی
آج بت خانہ میں اللہ کی قدرت ہوگی

آغا اکبرآبادی

---

---

صنم پرستی کروں ترک کیوں کر اے واعظ
بتوں کا ذکر خدا کی کتاب میں دیکھا

آغا اکبرآبادی

---

---

آپ کرتے جو احترام بتاں
بتکدے خود خدا خدا کرتے

انور صابری

---

---

اپنی مرضی تو یہ ہے بندۂ بت ہو رہیے
آگے مرضی ہے خدا کی سو خدا ہی جانے

بقا اللہ بقاؔ

---

---

نہیں یہ آدمی کا کام واعظ
ہمارے بت تراشے ہیں خدا نے

بیان میرٹھی

---

---

وہ دن گئے کہ داغؔ تھی ہر دم بتوں کی یاد
پڑھتے ہیں پانچ وقت کی اب تو نماز ہم

داغؔ دہلوی

---

---

ہم ایسے سادہ دلوں کی نیاز مندی سے
بتوں نے کی ہیں جہاں میں خدائیاں کیا کیا

فیض احمد فیض

---

---