na koi wada na koi yaqin na koi umid
magar hamein to tera intizar karna tha

no promise,surety, nor any hope was due
yet I had little choice but to wait for you

Firaq Gorakhpuri

---

---

aadatan tum ne kar diye wade
aadatan hum ne e'tibar kiya

Gulzar

---

---

jab nahin kuchh e'tibar-e-zindagi
is jahan ka shad kya nashad kya

Imdad Imam Asar

---

---

har-chand e'tibar mein dhoke bhi hain magar
ye to nahin kisi pe bharosa kiya na jae

Jaan Nisar Akhtar

---

---

main ab kisi ki bhi ummid toD sakta hun
mujhe kisi pe bhi ab koi e'tibar nahin

Jawad Sheikh

---

---

ishq ko ek umr chahiye aur
umr ka koi e'tibar nahin

Jigar Barelvi

---

---

subut hai ye mohabbat ki sada-lauhi ka
jab us ne wada kiya hum ne e'tibar kiya

Josh Malihabadi

---

---