holi baaton pe teri dil ko yaqin
pahle aata tha ab nahin aata

Arzoo Lakhnavi

---

---

meri zaban ke mausam badalte rahte hain
main aadmi hun mera e'tibar mat karna

Asim Wasti

---

---

ai mujh ko fareb dene wale
main tujh pe yaqin kar chuka hun

Athar Nafees

---

---

aap ka e'tibar kaun kare
roz ka intizar kaun kare

who can depend on what you say?
who will wait each every day?

Dagh Dehlvi

---

---

ghazab kiya tere wade pe e'tibar kiya
tamam raat qayamat ka intizar kiya

Dagh Dehlvi

---

---

yun na qatil ko jab yaqin aaya
hum ne dil khol kar dikhai choT

Fani Badayuni

---

---

kisi pe karna nahin e'tibar meri tarah
luTa ke baiThoge sabr o qarar meri tarah

Fareed Parbati

---

---