DhunDta hun main zamin achchhi si
ye badan jis mein utara jae

Mohammad Alvi

---

---

main us ke badan ki muqaddas kitab
nihayat aqidat se paDhta raha

Mohammad Alvi

---

---

mohabbat ke Thikane DhunDhti hai
badan ki la-makani mausamon mein

Naseer Ahmad Nasir

---

---

KHuda ke waste gul ko na mere hath se lo
mujhe bu aati hai is mein kisi badan ki si

Nazeer Akbarabadi

---

---

ahut lambi masafat hai badan ki
musafir mubtadi thakne laga hai

Prem Kumar Nazar

---

---

ji chahta hai hath laga kar bhi dekh len
us ka badan qaba hai ki us ki qaba badan

Prem Kumar Nazar

---

---

akh di hai us ne khol ke KHud jism ki kitab
sada waraq pe le koi manzar utar de

Prem Kumar Nazar

---

---