kaun aata hai ayaadat ke liye dekhen 'faragh'
apne ji ko zara na-saz kiye dete hain

Faragh Rohvi

---

---

jab na tha zabt to kyun aae ayaadat ke liye
tum ne kahe ko mera haal-e-pareshan dekha

Hafeez Jaunpuri

---

---

tandurusti se to behtar thi meri bimari
wo kabhi puchh to lete the ki haal achchha hai

Hafeez Jaunpuri

---

---

aane lage hain wo bhi ayaadat ke waste
ai chaaragar mariz ko achchha kiya na jae

Hameed Jalandhari

---

---

dekhne aae the wo apni mohabbat ka asar
kahne ko ye hai ki aae hain ayaadat kar ke

Hasrat Mohani

---

---

aan ke is bimar ko dekhe tujh ko bhi taufiq hui
lab par us ke nam tha tera jab bhi dard shadid hua

Ibn e Insha

---

---

apni zaban se kuchh na kahenge chup hi rahenge aashiq log
tum se to itna ho sakta hai puchho haal bechaaron ka

Ibn e Insha

---

---