dard ulfat ka na ho to zindagi ka kya maza
aah-o-zari zindagi hai be-qarari zindagi

Ghulam Bhik Nairang

---

---

ai 'hafiz' aah aah par aaKHir
kya kahen dost wah wa ke siwa

Hafeez Jalandhari

---

---

ek aisa bhi waqt hota hai
muskurahaT bhi aah hoti hai

Jigar Moradabadi

---

---

idhar se bhi hai siwa kuchh udhar ki majburi
ki hum ne aah to ki un se aah bhi na hui

Jigar Moradabadi

---

---

aah to ab bhi dil se uThti hai
lekin us mein asar nahin hota

Karamat Bukhari

---

---

hum ne hans hans ke teri bazm mein ai paikar-e-naz
kitni aahon ko chhupaya hai tujhe kya malum

Makhdoom Mohiuddin

---

---

puchha agar kisi ne mera aa ke haal-e-dil
be-iKHtiyar aah labon se nikal gai

Mirza Raza Barq

---

---