Dhang ke ek Thikane ke liye
ghar-ka-ghar naql-e-makani mein raha

Abrar Ahmad

---

---

firaq o wasl se haT kar koi rishta hamara hai
ki us ko chhoD pata hun na us ko tham rakhta hun

Abrar Ahmad

---

---

go faramoshi ki takmil hua chahti hai
phir bhi kah do ki hamein yaad wo aaya na kare

Abrar Ahmad

---

---

gunjaish-e-afsos nikal aati hai har roz
masruf nahin rahta hun fursat ke baraba

Abrar Ahmad

---

---

hum apni rah pakaDte hain dekhte bhi nahin
ki kis Dagar pe ye KHalq-e-KHuda nikalti hai

Abrar Ahmad

---

---

hum yaqinan yahan nahin honge
ghaaliban zindagi rahegi abhi

Abrar Ahmad

---

---

har ek aankh mein hoti hai muntazir koi aankh
har ek dil mein kahin kuchh jagah nikalti hai

Abrar Ahmad

---

---