zaKHm aur peD ne ek sath dua mangi hai
dekhiye pahle yahan kaun hara hota hai

Abid Malik

---

---

kyun na apni KHubi-e-qismat pe itraati hawa
phul jaise ek badan ko chhu kar aai thi hawa

Abid Munavari

---

---

dam ke dam mein duniya badli bhiD chhaTi kohram uTha
chalte chalte sans ruki aur KHatm hua afsana bhi

Abid Nami

---

---

ye aaj kaun si taqsir ho gai 'nami'
ki dost bhi to milate nahin nazar hum se

Abid Nami

---

---

us ke Dar hi se main mohazzab hun
mere andar jo ek wahshi hai

Abid Siddiq

---

---

kaf-e-KHizan pe khila main is e'tibar ke sath
ki har numu ka talluq nahin bahaar ke sath

Abid Syal

---

---

yahan wahan hain kai KHwab jagmagate hue
kahin kahin koi tabir TimTimati hui

Abid Syal

---

---