wo ek din jo tujhe sochne mein guzra tha
tamam umr usi din ki tarjumani hai

Abhishek Shukla

---

---

ye imtiyaz zaruri hai ab ibaadat mein
wahi dua jo nazar kar rahi hai lab bhi karen

Abhishek Shukla

---

---

ye jo duniya hai ise itni ijazat kab hai
hum pe apni hi kisi baat ka ghussa utra

Abhishek Shukla

---

---

ye jo hum taKHliq-e-jahan-e-nau mein lage hain pagal hain
dur se hum ko dekhne wale hath baTa hum logon ka

Abhishek Shukla

---

---

KHamosh rahne ki aadat bhi mar deti hai
tumhein ye zahr to andar se chaT jaega

Abid Khursheed

---

---

abhi se is mein shabahat meri jhalakne lagi
abhi to dasht mein do chaar din guzare hain

Abid Malik

---

---

aDe sukun se afsurdagi mein rahta hun
main apne samne wali gali mein rahta hun

Abid Malik

---

---