yaqin ka daera dekha hai kis ne
guman ke daere mein kya nahin hai

Abdullah Javed

---

---

zamin ko aur uncha mat uThao
zamin ka aasman se sar lagega

Abdullah Javed

---

---

aao aaj hum donon apna apna ghar chun len
tum nawah-e-dil le lo KHitta-e-badan mera

Abdullah Kamal

---

---

abhi gunah ka mausam hai aa shabab mein aa
nasha utarne se pahle meri sharab mein aa

Abdullah Kamal

---

---

apne wajud se pare ab
koi bhi rasta nahin hai

Abdullah Kamal

---

---

chamak de chand ko ThanDak hawa ko dil ko umang
udas qisse ko phir ek shahzada de

Abdullah Kamal

---

---

ek musalsal jang thi KHud se ki hum zinda hain aaj
zindagi hum tera haq yun bhi ada karte rahe

Abdullah Kamal

---

---