har baat hai 'KHalid' ki zamane se nirali
bashinda hai shayad kisi duniya-e-digar ka

Abdul Aziz Khalid

---

---

masjid mein gar guzar na hua dair hi sahi
bekar baiThe kyun rahen ek sair hi sahi

Abdul Ghafoor Nassakh

---

---

piri mein shauq hausla-farsa nahin raha
wo dil nahin raha wo zamana nahin raha

Abdul Ghafoor Nassakh

---

---

un ke dil ki kudurat aur baDhi
zikr kijiye agar safai ka

Abdul Ghafoor Nassakh

---

---

zahiran maut hai qaza hai ishq
par haqiqat mein jaan-fazan hai ishq

Abdul Ghafoor Nassakh

---

---

husn ek dariya hai sahra bhi hain us ki rah mein
kal kahan hoga ye dariya ye bhi to socho zara

Abdul Hafiz Naeemi

---

---

khaDa hua hun sar-e-rah muntazir kab se
ki koi guzre to gham ka ye bojh uThwa de

Abdul Hafiz Naeemi

---

---