ye hath rakh mein KHwabon ki Dalte to ho
magar jo rakh mein shola koi daba nikla

Abdul Hafiz Naeemi

---

---

araste the baadal dhuan phailta tha ajab chaar jaanib
faza khil uThi to sarapa tumhaara bahut yaad aaya

Abdul Hamid

---

---

dam-ba-dam mujh pe chala kar talwar
ek patthar ko jila di us ne

Abdul Hamid

---

---

din guzarte hain guzarte hi chale jate hain
ek lamha jo kisi tarah guzarta hi nahin

Abdul Hamid

---

---

dur basti pe hai dhuan kab se
kya jala hai jise bujhate nahin

Abdul Hamid

---

---

ek mishal thi bujha di us ne
phir andheron ko hawa di us ne

Abdul Hamid

---

---

falak par uDte jate baadalon ko dekhta hun main
hawa kahti hai mujh se ye tamasha kaisa lagta hai

Abdul Hamid

---

---