sher achchhe bhi kaho sach bhi kaho kam bhi kaho
dard ki daulat-e-nayab ko ruswa na karo

Abdul Ahad Saaz

---

---

shikast-e-wada ki mahfil ajib thi teri
mera na hona tha barpa tere na aane mein

Abdul Ahad Saaz

---

---

shoalon se be-kar Daraate ho hum ko
guzre hain hum sard jahannam-zaron se

Abdul Ahad Saaz

---

---

wo to aisa bhi hai waisa bhi hai kaisa hai magar?
kya ghazab hai koi us shoKH ke jaisa bhi nahin

Abdul Ahad Saaz

---

---

yaadon ke naqsh ghul gae tezab-e-waqt mein
chehron ke nam dil ki KHalaon mein kho gae

Abdul Ahad Saaz

---

---

zamane sabz o surKH o zard guzre
zamin lekin wahi KHakistari hai

Abdul Ahad Saaz

---

---

aur bhi kitne tariqe hain bayan-e-gham ke
muskuraati hui aankhon ko to pur-nam na karo

Abdul Aziz Fitrat

---

---