lauT gae sab soch ke ghar mein koi nahin hai
aur ye hum ki andhera kar ke baiTh gae hain

Abdul Hamid

---

---

logon ne bahut chaha apna sa bana Dalen
par hum ne ki apne ko insan bahut rakkha

Abdul Hamid

---

---

panw rukte hi nahin zehn Thaharta hi nahin
koi nashsha hai thakan ka ki utarta hi nahin

Abdul Hamid

---

---

utre the maidan mein sab kuchh Thik karenge
sab kuchh ulTa sidha kar ke baiTh gae hain

Abdul Hamid

---

---

ye qaid hai to rihai bhi ab zaruri hai
kisi bhi samt koi rasta mile to sahi

Abdul Hamid

---

---

zawal-e-jism ko dekho to kuchh ehsas ho is ka
bikharta zarra zarra koi sahra kaisa lagta hai

Abdul Hamid

---

---

aankh ka e'tibar kya karte
jo bhi dekha wo KHwab mein dekha

Abdul Hamid Adam

---

---