warna koi kab galiyan deta hai kisi ko
ye us ka karam hai ki tujhe yaad raha main

Abbas Tabish

---

---

ye mauj mauj bani kis ki shakl si 'tabish'
ye kaun Dub ke bhi lahr lahr phail gaya

Abbas Tabish

---

---

ye mohabbat ki kahani nahin marti lekin
log kirdar nibhate hue mar jate hain

Abbas Tabish

---

---

ye to ab ishq mein ji lagne laga hai kuchh kuchh
is taraf pahle-pahal gher ke laya gaya main

Abbas Tabish

---

---

ye zamin to hai kisi kaghzi kashti jaisi
baiTh jata hun agar bar na samjha jae

Abbas Tabish

---

---

aai hawa na ras jo sayon ke shahr ki
hum zat ki qadim guphaon mein kho gae

Abdul Ahad Saaz

---

---

ab aa ke qalam ke pahlu mein so jati hain be-kaifi se
misron ki shoKH hasinaen sau bar jo ruThti manti thin

Abdul Ahad Saaz

---

---