ab bhi aati hai teri yaad pa is karb ke sath
TuTti nind mein jaise koi sapna dekhe

Akhtar Imam Rizvi

---

---

apnon ki chahaton ne bhi kya kya diye fareb
rote rahe lipaT ke har ek ajnabi ke sath

Akhtar Imam Rizvi

---

---

ashk jab dida-e-tar se nikla
ek kanTa sa jigar se nikla

Akhtar Imam Rizvi

---

---

chandni ke hath bhi jab ho gae shal raat ko
apne sine par sambhaala main ne bojhal raat ko

Akhtar Imam Rizvi

---

---

jangal ki dhup chhanw hi jangal ka husn hai
sayon ko bhi qubul karo raushni ke sath

Akhtar Imam Rizvi

---

---

jurm-e-hasti ki saza kyun nahin dete mujh ko
log jine ki dua kyun nahin dete mujh ko

Akhtar Imam Rizvi

---

---

kam-zarf zamane ki hiqarat ka gila kya
main KHush hun mera pyar samundar ki tarah hai

Akhtar Imam Rizvi

---

---