jis ko hum ne chaha tha wo kahin nahin is manzar mein
jis ne hum ko pyar kiya wo samne wali murat hai

Aitbar Sajid

---

---

jo meri shabon ke charagh the jo meri umid ke bagh the
wahi log hain meri aarzu wahi suraten mujhe chahiyen

Aitbar Sajid

---

---

judaiyon ki KHalish us ne bhi na zahir ki
chhupae apne gham o iztirab main ne bhi

Aitbar Sajid

---

---

kise pane ki KHwahish hai ki 'sajid'
main rafta rafta KHud ko kho raha hun

Aitbar Sajid

---

---

kisi ko sal-e-nau ki kya mubarakbaad di jae
calender ke badalne se muqaddar kab badalta hai

Aitbar Sajid

---

---

main takiye par sitare bo raha hun
janam-din hai akela ro raha hun

Aitbar Sajid

---

---

makinon ke talluq hi se yaad aati hai har basti
wagarna sirf baam-o-dar se ulfat kaun rakhta hai

Aitbar Sajid

---

---