iha kar de qafas ki qaid se ghayal parinde ko
kisi ke dard ko is dil mein kitne sal palega

Aitbar Sajid

---

---

talluq kirchiyon ki shakl mein bikhra to hai phir bhi
shikasta aainon ko joD dena chahte hain hum

Aitbar Sajid

---

---

talluqat mein gahraiyan to achchhi hain
kisi se itni magar qurbaten bhi Thik nahin

Aitbar Sajid

---

---

tumhein jab kabhi milen fursaten mere dil se bojh utar do
main bahut dinon se udas hun mujhe koi sham udhaar do

Aitbar Sajid

---

---

ye barson ka talluq toD dena chahte hain hum
ab apne aap ko bhi chhoD dena chahte hain hum

Aitbar Sajid

---

---

ye jo phulon se bhara shahr hua karta tha
us ke manzar hain dil-azar kahin aur chalen

Aitbar Sajid

---

---

aise sulag uTha teri yaadon se dil mera
jaise dhadhak uThen kahin jangal chinar ke

Ajay Sahaab

---

---