nau-jawanon ka qabila us ke pichhe chal paDa
jurm kar ke bhagne wala misali ho gaya

Ahmad Shanas

---

---

pas-e-KHayal hun kitna zuhur kitna hun
KHabar nahin ki abhi KHud se dur kitna hun

Ahmad Shanas

---

---

phir is ke baad patthar ho gaya aaankhon ka pani
jab apne gham mein rone se kiya inkar main ne

Ahmad Shanas

---

---

phul bahar hai ki andar hai mere sine mein
chand raushan hai ki main aap hi tabinda hun

Ahmad Shanas

---

---

pop dhamake mein hum bhakti DhunD rahe hain
maiDona ke KHatt-o-KHal mein mera dekhen

Ahmad Shanas

---

---

afta rafta lafz gunge ho gae
aur gahri ho gain KHamoshiyan

Ahmad Shanas

---

---

sat qulzum hain mere sine mein
ek qatre se ubhaara tha mujhe

Ahmad Shanas

---

---