is safar mein nind aisi kho gai
hum na soe raat thak kar so gai

Rahi Masoom Raza

---

---

ye charagh jaise lamhe kahin raegan na jaen
koi KHwab dekh Dalo koi inqilab lao

Rahi Masoom Raza

---

---

zindagi DhunDh le tu bhi kisi diwane ko
us ke gesu to mere pyar ne suljhae hain

Rahi Masoom Raza

---

---

id ka chand jo dekha to tamanna lipTi
un se taqrib-e-mulaqat ka rishta nikla

Rahmat Qarni

---

---

aadmi ki talash mein hai KHuda
aadmi ko KHuda nahin milta

Rais Amrohvi

---

---

ab dil ki ye shakl ho gai hai
jaise koi chiz kho gai hai

Rais Amrohvi

---

---

abhi se shikwa-e-past-o-buland ham-safro
abhi to rah bahut saf hai abhi kya hai

Rais Amrohvi

---

---