kisi ko saya kisi ko gul-o-samar dega
hara-bhara hai daraKHt-e-riwaj rahne do

Rahi Fidai

---

---

lazzat ka zahr waqt-e-sahr chhoD kar koi
shab ke tamam rishte faramosh kar gaya

Rahi Fidai

---

---

sabza-zaron ki sharafat se na khelo qatan
tum hawa ho to KHalaon se lipaT kar dekho

Rahi Fidai

---

---

sharafaton ke rang mein shararten KHalat-malat
sar-mazaq ho gain himaqaten KHalat-malat

Rahi Fidai

---

---

ye kaisa gul khilaya hai shajar ne
samar banne ko ghuncha muntazir hai

Rahi Fidai

---

---

dil ki kheti sukh rahi hai kaisi ye barsat hui
KHwabon ke baadal aate hain lekin aag barasti hai

Rahi Masoom Raza

---

---

han unhin logon se duniya mein shikayat hai hamein
han wahi log jo akasr hamein yaad aae hain

Rahi Masoom Raza

---

---