ye hawaen uD na jaen le ke kaghaz ka badan
dosto mujh par koi patthar zara bhaari rakho

Rahat Indori

---

---

ye zaruri hai ki aankhon ka bharam qaem rahe
nind rakkho ya na rakkho KHwab meyari rakho

Rahat Indori

---

---

aap ne achchha kiya tathir-e-KHwahish hi na ki
warna zamzam chashma-e-napak hota ghaaliban

Rahi Fidai

---

---

arae-nam hi sahi ba-ehtiyat kijiye
darun-e-kizb-o-iftira sadaqaten KHalat-malat

Rahi Fidai

---

---

hadson ke KHauf se ehsas ki had mein na tha
warna nafs-e-mutmain saffak hota ghaaliban

Rahi Fidai

---

---

har ek shaKH thi larzan faza mein chiKH-o-pukar
hawa ke hath mein ek aab-dar KHanjar tha

Rahi Fidai

---

---

hawas-girafta hawao nigahen nichi rakho
shajar khaDe hain saDak ke qarin be-parda

Rahi Fidai

---

---