main aaKHir kaun sa mausam tumhaare nam kar deta
yahan har ek mausam ko guzar jaane ki jaldi thi

Rahat Indori

---

---

main ne apni KHushk aankhon se lahu chhalka diya
ek samundar kah raha tha mujh ko pani chahiye

Rahat Indori

---

---

main parbaton se laDta raha aur chand log
gili zamin khod ke farhad ho gae

Rahat Indori

---

---

maza chakha ke hi mana hun main bhi duniya ko
samajh rahi thi ki aise hi chhoD dunga use

Rahat Indori

---

---

meri KHwahish hai ki aangan mein na diwar uThe
mere bhai mere hisse ki zamin tu rakh le

Rahat Indori

---

---

na ham-safar na kisi ham-nashin se niklega
hamare panw ka kanTa hamin se niklega

Rahat Indori

---

---

nae kirdar aate ja rahe hain
magar naTak purana chal raha hai

Rahat Indori

---

---