tu mere sajdon ki laj rakh le shuur-e-sajda nahin hai mujh ko
ye sar tere aastan se pahle kisi ke aage jhuka nahin hai

Rafiq Raaz

---

---

Dub jaen na phul ki nabzen
ai KHuda mausamon ki sansen khol

Rafiq Sandelvi

---

---

suraj ki tarah maut mere sar pe rahegi
main sham talak jaan ke KHatre mein rahunga

Rafiq Sandelvi

---

---

aat to jab hai ki jazbon se sadaqat phuTe
yun to dawa hai har ek shaKHs ko sachchai ka

Rafique Khayal

---

---

tafsil-e-inayat to ab yaad nahin hai
par pahli mulaqat ki shab yaad hai mujh ko

Rafique Khayal

---

---

tum samundar ke sahme hue josh ko mera paigham dena
mausam-e-habs mein phir koi aaj taza hawa chahta hai

Rafique Khayal

---

---

haqiqat ko chhupaya hum se kya kya us ke make-up ne
jise laila samajh baiThe the wo laila ki man nikli

Raghib Muradabadi

---

---