kyun ujaDa zahido but-KHana-e-abaad ko
masjiden kafi na hotin kya KHuda ki yaad ko

Parveen Umm-e-Mushtaq

---

---

maKHluq ko tumhaari mohabbat mein ai buto
iman ka KHayal na islam ka lihaz

Parveen Umm-e-Mushtaq

---

---

mar chuka main to nahin is se mujhe kuchh hasil
barse gir pani ki ja aab-e-baqa mere baad

Parveen Umm-e-Mushtaq

---

---

meri qismat likhi jati thi jis din main agar hota
uDa hi leta dast-e-katib-e-taqdir se kaghaz

Parveen Umm-e-Mushtaq

---

---

muddat se ishtiyaq hai bos-o-kanar ka
gar hukm ho shurua kare apna kaam hirs

Parveen Umm-e-Mushtaq

---

---

mujhe jab mar hi Dala to ab donon barabar hain
uDao KHak sarsar ban ke ya baad-e-saba ban ka

Parveen Umm-e-Mushtaq

---

---

na aaya kar ke wada wasl ka iqrar tha kya tha
kisi ke bas mein tha majbur tha lachaar tha kya tha

Parveen Umm-e-Mushtaq

---

---