haweliyan bhi hain karen bhi kar-KHane bhi
bas aadmi ki kami dekhta hun shahron mein

Parveen Kumar Ashk

---

---

kisi kisi ko thamata hai chabiyan ghar ki
KHuda har ek ko apna pata nahin deta

Parveen Kumar Ashk

---

---

phaldar tha to ganw use pujta raha
sukha to qatl ho gaya wo be-zaban daraKHt

Parveen Kumar Ashk

---

---

zamin ko ai KHuda wo zalzala de
nishan tak sarhadon ke jo miTa de

Parveen Kumar Ashk

---

---

aamad pe teri itr o charagh o subu na hon
itna bhi bud-o-bash ko sada nahin kiya

Parveen Shakir

---

---

ab to is rah se wo shaKHs guzarta bhi nahin
ab kis ummid pe darwaze se jhanke koi

Parveen Shakir

---

---

ab un darichon pe gahre dabiz parde hain
wo tank-jhank ka masum silsila bhi gaya

Parveen Shakir

---

---