ye ruposhi nahin hai surat-e-mardum-shanasi hai
har ek na-ahl tera talib-e-didar ban jata

Pandit Jawahar Nath Saqi

---

---

ye zamzama tuyur-e-KHush-ahang ka nahin
hai naghma-sanj bulbul-e-rangin-nawa-e-qal

Pandit Jawahar Nath Saqi

---

---

jale makanon mein bhut baiThe baDi matanat se sochte hain
ki jangalon se nikal ke aane ki kya zarurat thi aadmi ko

Parkash Fikri

---

---

jidhar dekho lahu bikhra hua hai
nishana kaun goli ka bana hai

Parkash Fikri

---

---

larzan hai kisi KHauf se jo sham ka chehra
aankhon mein koi KHwab pirone nahin deta

Parkash Fikri

---

---

murda paDe the log gharon ki panah mein
dariya wafur-e-ghaiz se biphra tha chaar su

Parkash Fikri

---

---

yun to apnon sa kuchh nahin is mein
phir bhi ghairon se wo alag sa hai

Parkash Fikri

---

---